Audientziaren %27ak ETBrekin pasa zuen Urte Zahar gaua
07/01/03
Audientziaren %27ak ETBn pasa zituen urteko azken minutuak. ETB1eko "Matzmorduajangojonau" saioak, Wazemankeko taldearen eskutik, %10,1eko kuota lortu zuen, eta Vaya Semanitako taldeak ETB2rako prestatu zuen "A 2007 con mala uva"-k, berriz, %17koa.
Gabon Gauean ETB1ek eskaini zuen "Euskal Kantuen Gaua" saioak ere datu onak eman ditu. Hain zuzen ere, %19,8ko kuota lortu zuen. Era berean, aipatzekoak dira kate honetan eman ziren "Mihiluze" eta "Goenkale"ren saio bereziak, Gabon Gau eta Urte Zahar gauean.
Gabonetako beste zita bat izaten da Euskadiko selekzioak jokatzen duen partida. Aurtengoan Serbiaren aurka aritu dira euskaldunak, eta ETBk zuzenean eman zuen abenduaren 27an, audientzian lider bilakatu zelarik. 20:30ean hasi zen norgehiagoka, eta %22,8ko sharea izan zuen EAEn eta 184.000 ikuslek ikusi zuten.
2006ko balantzea
2006ko urteari dagokionez, TN Sofres audientzia neurketa enpresaren arabera, Euskal Telebistak %20,2ko bataz besteko sharea lortu du, %4,4 ETB1entzat delarik eta %15,8 ETB2rentzat.
ETB1en kasua nabarmena da bertako produktuek prime timean izan duten harrera ona. "Wazemank" saioa lider izan da euskaldunen artean 2006an, eta aipagarriak dira, era berean, kirol emankizunak, "Martin", "Balbemendi" eta "Goenkale" telesailak eta "Mihiluze" lehiaketa.
ETB2ri dagokionez, albistegiek emaitza onak ematen jarraitzen dutela aipatu behar da, "Teleberri"ri esker. Aurten bataz beste %21,1eko kuota izan du eta 127.000 ikuslek jarraitu dute.
Zineak ere datu onak izan ditu aurten. Atzerriko produkzioetan aipagarriena "Invasió" telesaila izan da, jarraitzaile ugari izan ditu eta. Bestalde, jadanik oso errotuta dauden saioak ere aurten oso ondo jarraitu dute euren bidea, "Vaya Semanita", "Mi Querido Klikowsky" edo "El Conquistador del Fin del Mundo" kasu. "Date El Bote" bazkalosteko lehiaketak eta "Pásalo" magazineak ere audientzia aipagarriak izan dituzte amaitu berri den urtean.
Berri gehiago
Radio Euskadi audientzia buru astelehenetik ostiralera, EGMko datuen arabera
2007/07/03
EiTBk Interneten zuen marka hautsi du, ekainean 1,2 milioi bisita lortuta
2007/07/03
"La Noche de", "Mi Querido Klikowsky" eta "Vaya Semanita" nabarmendu dira ETB-2n ekainean
2007/07/03
Olaizola II-Barriola buruz buruko pilota finala lider bere ordutegian
2007/06/19
"Mi Querido Klikowsky" arrakastatsu itzuli da hil honetan ETB-2ra
2007/06/04
ETB audientzia lider izan zen hauteskunde gauean 19:300etatik goizaldera
2007/05/29