Audientziaren %27ak ETBrekin pasa zuen Urte Zahar gaua
07/01/03
Audientziaren %27ak ETBn pasa zituen urteko azken minutuak. ETB1eko "Matzmorduajangojonau" saioak, Wazemankeko taldearen eskutik, %10,1eko kuota lortu zuen, eta Vaya Semanitako taldeak ETB2rako prestatu zuen "A 2007 con mala uva"-k, berriz, %17koa.
Gabon Gauean ETB1ek eskaini zuen "Euskal Kantuen Gaua" saioak ere datu onak eman ditu. Hain zuzen ere, %19,8ko kuota lortu zuen. Era berean, aipatzekoak dira kate honetan eman ziren "Mihiluze" eta "Goenkale"ren saio bereziak, Gabon Gau eta Urte Zahar gauean.
Gabonetako beste zita bat izaten da Euskadiko selekzioak jokatzen duen partida. Aurtengoan Serbiaren aurka aritu dira euskaldunak, eta ETBk zuzenean eman zuen abenduaren 27an, audientzian lider bilakatu zelarik. 20:30ean hasi zen norgehiagoka, eta %22,8ko sharea izan zuen EAEn eta 184.000 ikuslek ikusi zuten.
2006ko balantzea
2006ko urteari dagokionez, TN Sofres audientzia neurketa enpresaren arabera, Euskal Telebistak %20,2ko bataz besteko sharea lortu du, %4,4 ETB1entzat delarik eta %15,8 ETB2rentzat.
ETB1en kasua nabarmena da bertako produktuek prime timean izan duten harrera ona. "Wazemank" saioa lider izan da euskaldunen artean 2006an, eta aipagarriak dira, era berean, kirol emankizunak, "Martin", "Balbemendi" eta "Goenkale" telesailak eta "Mihiluze" lehiaketa.
ETB2ri dagokionez, albistegiek emaitza onak ematen jarraitzen dutela aipatu behar da, "Teleberri"ri esker. Aurten bataz beste %21,1eko kuota izan du eta 127.000 ikuslek jarraitu dute.
Zineak ere datu onak izan ditu aurten. Atzerriko produkzioetan aipagarriena "Invasió" telesaila izan da, jarraitzaile ugari izan ditu eta. Bestalde, jadanik oso errotuta dauden saioak ere aurten oso ondo jarraitu dute euren bidea, "Vaya Semanita", "Mi Querido Klikowsky" edo "El Conquistador del Fin del Mundo" kasu. "Date El Bote" bazkalosteko lehiaketak eta "Pásalo" magazineak ere audientzia aipagarriak izan dituzte amaitu berri den urtean.
Berri gehiago
EiTBko irrati taldeak marka hautsi du, astelehenetik igandera 483.000 entzule eskuratuz
2007/05/23
Irujo-Barriola buruz buruko final laurdenak audientziaren %22 eskuratu zuen
2007/05/07
Radio Euskadi eta Radio Vitoria nabarmen igo dira EGMren arabera
07/04/25
Arrakastatsu ekin dio "Kutsidazu Bidea Ixabel" telesailak ETB-1en
07/04/17
07/04/03
"vaya Semanitak" ehuneko 20,2ko sharea lortu du (ikusi gazteleraz)
07/03/30