ETBk "Heroes" 2006an AEBetako telesailik arrakastatsuena izan denaren eskubideak lortu ditu
07/01/19
Euskal Telebistak "Heroes", Advertising Age aldizkari espezializatuaren arabera, AEBetan 2006an izan den telesailik arrakastatsuenaren eskubideak bereganatu ditu. NBC katean 16 milioi ikuslek jarraitu dute bat batean botereak dituztela jakiten duten pertsona normalei buruzko saio honek.
Advertising Age aldizkariak iragarleen arreta handiena merezi duten 10 saioen zerrenda egiten du, bai saio horien audientzia handiagatik bai izan dituen kritika onengatik.
Telesail honek komikiaren estetika eta narrazioa bateratzen ditu. Botereak dituzten pertsonen bizitza azaltzearekin batera, telesaileko antagonistak hilketa beldurgarriak egingo ditu. Era honetan, Japoniako bulegari batek denbora eta espazioa manipulatu ahal izango du, New Yorkeko artista batek etorkizuna margotzeko boterea lortuko du, Los Angeleseko polizia batek ingurukoen pentsamentuak entzun ahal izango ditu,... Hauek eta beste batzuk izango dira "Heroes" telesaileko protagonistak. Beraien lehen helburua lortu berri dituzten botereak kontrolatzea izango da, baina laster izango dute egiteko garrantzitsuagoa: gizateria salbatzeko ardura beraiena izango da.
Berri gehiago
Neguari buruzko argazki ederrenak Negublog gunean, eitb.com-eko argazkiblog berrian
07/01/25
Estitxu Fernandez, Euskadi Irratiko "Tartaria"
07/01/25
ETB-1ek "Sut&Blai" gazteei zuzendutako saio ibiltaria estreinatuko du astelehen arratsaldean
07/01/22
"Objetivo Euskadi" saioak bere 100. programa beteko du ostegun honetan
07/01/11
07/01/08