"Esto No Es Serio, ¿O Sí?" umore saioa astelehenean hasiko da ETB-2n
07/02/15
"Esto No Es Serio, ¿O Sí?" umorezko esketxez osatutako saioa hasiko da astelehenean, otsailak 19, ETB-2n. Bederatzi aktorek hartuko dute parte, eta eguneroko bizimoduan gertatzen diren egoera eta gai arruntak jorratuko dituzte modu arin eta dibertigarrian.
Esketx laburrez osatutako saioa izango da, eta tartean running gagak ere sartuko dituzte. Bata bestearen atzetik bizkor-bizkor joango dira, saioari bizitasuna eta erritmoa emanez. Bederatzi aktoreak txandaka agertuko dira, bakarka zein taldean. Antzezten duten esketx bakoitzean ikus-entzuleenganako gertutasuna lortzea izango dute helburu.
"Esto No Es Serio ¿O Sí?" saioan antzeztuko dituzten egoerak ezagunak egingo zaizkigu. Izan ere, gure eguneroko bizitzako pasarteak parodiatuko dituzte: etxean, lanean, tabernan, denda batean edota kalean gertatzen direnak. Familiarteko gorabeherak, bikote harremanak, bizilagunen arteko liskarrak, laneko buruhausteak, jasanezinak diren nagusi edo lankideak? Edozein egoera arrunt erakusteko gai izango dira.
Pausokaren ekoizpen honetako lan-taldea osatzen duten bederatzi aktoreak hauek dira: Iker Lastra, Itziar Urretabizkaia, Estibaliz Gabilondo, Nati Ortiz de Zarate, David Avila, Itxaso Gonzalez, Ramon Ibarra, Javier Corral eta Txubio Fernandez de Jauregi. Ibilbide profesional bikaina dute guztiek. Zuzendari lanak Aitor Osak eta Gonzalo Bazek egingo dituzte.
Berri gehiago
2007/06/26
Todosconlapantoja.com, HazRuido.com-eko marketing biraleko lehiaketa irabazten du (ikusi gazteleraz)
2007/06/06
Todosconlapantoja.com interneteko lehiaketa bat irabazteko sortu zen. (Ikusi gazteleraz).
2007/05/25
"Vuelta de Tuerca" saioa abiatuko da larunbatean ETB-2n, Iñigo Agirrek eta Maite Esparzak aurkeztuta
2007/05/21
Prix Circom Regional sarien banaketa ekitaldia Guggenheimen
2007/05/14
Circom Telebista Erregionalen Elkartearen 25. Biltzarraren irekiera ekitaldia Bilbon
2007/05/10